|
20
Jan
2010
29
Jan 2010
5
Feb 2010
12
Feb 2010
Kliek
op
'n datum om daardie week se brief af te laai.
|
|
|
 rydagbrief |
________________________________________________________________
12 FEBRUARIE 2010
VRYDAGBRIEF
4 VAN 2010
Geagte Ouers
FONDSINSAMELINGS
Ons vra
weereens dat u die STEAKETE van Vrydag, 19 Februarie 2010, net so
goed sal ondersteun soos in die verlede. Hierdie aand is
jaarliks 'n reuse sukses en word u weereens vriendelik uitgenooi om
gesellig saam met u familie en/of vriende te kom kuier. Kaartjies is
reeds by die skoolkantoor beskikbaar. In plaas van 'n sappige steak,
kan 'n porsie hoender bestel word. Kaartjies kos R70 vir 'n steak,
R55 vir 'n porsie hoender en R35 vir laerskoolkinders.
Die
SENõR-CHEF PROJEK is ook reeds aan die gang. Ons vra u
vriendelik dat u dit ook sal ondersteun. Die voordeel van hierdie
projek is dat u deur die skool te ondersteun, welbekende produkte
aankoop wat u sou moes gaan koop by 'n supermark. Dit is dus geld wat
u in elk geval sou spandeer. Elke kind sal 'n bestellys ontvang en
kan u gerus kyk na die verskeidenheid produkte wat teen uiters
billike pryse beskikbaar is.
GRETA WIID
Na aanleiding
van die positiewe terugvoer wat ons ontvang het i.v.m. Greta Wiid se
optrede by ons skool, neem ek die vrymoedigheid om aan u haar
volgende optrede in die Vrystaat bekend te stel. Dit vind plaas op
Vrydag 26 Februarie 2010 om 19:00 by NG Kerk Langenhovenpark in
Bloemfontein. Die tema is "Verstaan jou maat se hart". Die
koste beloop R100 en sluit ligte verversings in. Kontak Mariëtte
le Roux by 083 388 5674 vir enige navrae.
ATLETIEK
Ons atlete het
uitstekend gevaar tydens Maandag se Clover Atletiekbyeenkoms te
Bethlehem. Ons seuns eindig sesde en dogters vierde in die afdeling
vir skole met minder as 400 leerders. Die volgende plekke is behaal:
Eerste plek:
Emmerentia Meintjes - gewigstoot D/15
Tweede plek:
Elmé de Villiers - verspring D/17
: Elmé
Leibbrandt - verspring D/19
Derde plek:
Elmé de Villiers - 400 m D/17
: Emmerentia
Meintjes - diskus D/15
: Freddie
Wepener - spiesgooi S/17
NAVI REDD
HSH bring Navi
Redd op 17 Maart 2010 vir 'n fondsinsameling na die Ernest
Oppenheimer Teater in Welkom. Kaartjies is by Computicket of by die
teater self beskikbaar. Die koste beloop R100 vir volwassenes en R50
vir leerders. U is welkom om met mev. Hoffman te skakel vir kaartjiebesprekings.
PLUIMBAL
Elmé de
Villiers is gekies om die Suid-Afrikaanse pluimbalspan in Mei tydens
die Wêreldspele in Mexico te verteenwoordig. Dit is 'n
uitstekende prestasie en span verseker die kroon op baie jare se
harde werk. Ons is ongelooflik trots op jou, Elmé!
Ons wil ook
baie sterkte sê aan Elmé en Frederik Swanepoel wat
hierdie naweek aan 'n 0/19 Ope toernooi in Kaapstad deelneem.
KLEREBESTELLINGS
Ons glo dat
die eerste besending van ons klerebestellings binne 'n paar weke hier
sal wees. U word aangemoedig om reeds te begin betaal aan u kind se
bestelling. Dit sal die finansiële druk op u verlig deurdat u
nie eenmalig 'n groot bedrag hoef te betaal wanneer u die item kom
afhaal nie. Geen klere sal beskikbaar gestel word indien die volle
bedrag nie reeds vereffen is nie.
REGISTRASIEGELD
Daar is steeds
ouers wat nog nie hulle registrasiegeld vir 2010 betaal het nie.
Hierdie betaling is verpligtend. U word versoek om voor Maandag 'n
reëling met mev. Wepener te tref om verdere optrede te verhoed.
DETENSIE
Detensie is
ons skool se amptelike stelsel waarvolgens oortreders van die skool
se gedragskode gestraf word. Die feit bly staan dat as u kind
detensie moet sit, daar 'n geldige rede is. Daarom is dit nie
onderhandelbaar dat leerders op Vrydae moet detensie bywoon nie.
Leerders kan nie detensie sit wanneer dit hulle pas nie, want dan is
dit nie meer 'n straf nie. U kind kan dus nie verskoon word van
detensie op grond van persoonlike omstandighede nie. Ons verwag van u
om ons in hierdie verband te ondersteun.
ONS IS ANDERS!
Nico Pretorius
SKOOLHOOF
|
|
