|
Boodskap
van Skoolhoof
 Daar
is 'n spreekwoord wat sê " Ons keuses, eerder as ons
vermoëns, wys wie ons werklik is". Die Woord van God is vol
van voorbeelde: Moses, Josua en talle ander het vir ons getoon dat
deur die regte keuse te maak, daar soveel seën op ons eie, asook
die mense rondom ons se lewens sal wees.
Watter
keuse wag vir ons in die nuwe jaar? Is dit nie die jaar om
BETROKKENHEID ons prioriteit te maak nie?
Betrokkenheid
impliseer nie net om u eie kind se sportwedstryde by te woon en
skoolgeld te betaal nie, maar veel meer as dit.
Raak
opnuut betrokke by u kind se ontwikkeling op geestelike vlak in
2008. Gaan ek dit aan die kerk en die skool oorlaat om hom/haar in
hierdie jaar nader na God te lei, of gaan ek deur my optrede 'n
voorbeeld wees van hoe die Here gedien moet word?
Wees
betrokke en sterk die skool se hande in die uiters moeilike taak van
dissipline en verseker sodoende dat ons kinders se kleredrag,
voorkoms en optrede Hoërskool Henennman se beeld positief na
buite dra.
Daar
is ongelooflik potensiaal in die leerders van Hoërskool
Henennman. Dit is ons. as personeel, se missie in 2008 om hierdie
potensiaal tot volle wasdom te laat kom. Wat gaan u deel wees aan
hierdie ongelooflike geleentheid? Daar is niks in die lewe meer
bevredigend nie as om deel te hê aan die groeiproses van 'n
tiener tot 'n selfstandige volwassene wat sy plek in die lewe
volstaan. Ons kan almal deel hê daaraan! Ons kinders het in
hierdie tye AL die rolspelers nodig - ouers, skoolpersoneel,
kerk en vriende wat betrokke is en wil wees!
'n
Dinamiese skool wat deur u betrokkenheid tot nuwe hoogtes aangevuur
word, verseker dat die gemeenskap en besighede in Hennenman in
totaliteit voordeel sal trek.
Mag
ons keuse in 2008 ons kinders wees!
WEES
BETROKKE
Nico
Pretorius
|
